Resultater vum 16. a 17.11.24
19th November 2024
Entente Feulen-Grevels-Heiderscheid
Bambini hunn de Samschdeg zu Wëntger gespillt: si hunn ee Match gläich gespillt an zwee verluer. Kanner hu gutt gespillt, hate vill Golchancen an hire Spaass.
Fillettes gewannen den 2. leschte Match vum 1. Tour zu Nidderfeelen 7-5 géint Useldeng. Wéi Resultat et vermute léisst, war de Match zimmlech ausgeglach. Goler goufen deelweis schéin erausgespillt.
Pupillen hu géint Schieren 15-7 verluer. Am grousse Ganzen hunn Bouwe gutt zesumme gespillt a vill versicht: si haten oft Momenter wou de Ball gutt rulle gelooss gouf, mee leider oft de Gol verpasst.
Poussins I hunn an engem flotten an ëmkämpfte Match um Enn mat 6-1 géint Harel gewonn. Och wann haut net ëmmer alles gelongen ass, hunn d'Jonge probéiert sech spilleresch Chancë rauszespillen an hunn sech mat puer flott erausgespillten Goler belount.
Poussins II hunn et ganz spannend gemaach…obwuel mir 6-1 vir waren an ee gudde Fussball gespillt hunn, ass d’ENT Rammerech/Pärel nach eemol op ee Gol erukomm nodeems mir e puer Positiounswiessel gemaach hunn. Mir sinn awer roueg bliwwen an hunn eis 9-7 duerchgesat. Eng gutt Ekippeleeschtung mat zäitweis guddem Fussball.
Eis Minimes spille 4-4 géint eis Nopere vu Mäerzeg. Et war ee flotten a spannende Match mat flotte Golchancen op deenen 2 Säiten… Um Enn war et, op schons mir 2-0 an 4-2 vir waren, ee gerecht. Déi nächst Matcher musse mir kucken dann nach ee Gol méi ze schéissen ewéi eise Géigner.
Scolaires verléiere de Samschdeg mat 1-5 géint Entente Ënnersauer Mëllerdall.
No der éischter Halschent stoung et 1-1, wou et zimmlech ausgeglach war, wou Jonge gutt gespillt a gekämpft hunn. An der zweeter Hallschent hu mer eis Chancen net ausgenotzt a koumen no de Geigengoaler net méi an de Match zeréck. Lo heescht et weider schaffen dass mer nächste Weekend rëm 3 Punkten huelen.
D’Jeunes Filles hunn de Sonndeg zu Nidderfeelen 2 Matcher gespillt: am Championnat-Match géint Housen gouf et um En nee gerechten 2-2. Zäitgläich gouf och ee Frëndschaftsmatch géint Bettebuerg gespillt: hei hunn d’Meedercher vun der Entente verdéngt 4-1 gewonn.
